El Gino - del Motta
Inamidaa compagn de la camisa
che sémper bianca el gh’ha sot la marsina,
on fa de maggiordom, ‘na faccia amisa
coi cavèi ner lusent de brillantina.
L’è minga el camerer con i pè piati
ch’el te rondona in gir tutti i moment,
cont on passag, sornion ‘mè quel d’on gatt,
per fatt capì che t’è bevuu nient,
ma l’è quel Gino, camerer del Motta,
che l’oeucc el gh’ha d’on clinich d’importanza
che la capiss fin chi… capiss nagotta,
perché… el se fa capì ma con creanza.
E basta che te diset: “Gino, sent…”
che lu el sa già la forza dei client.
Da Una volta Monza. Ricordando Dante Trombin.
Chi era…?
_______________________________________________________________________________